廣州 | 全台幼兒園資訊網

廣州喺中國南方，廣東省嘅東南部，珠江三角洲北緣，西江、北江、東江三江匯合處，...城嚴格來講唔係行政區，只係集中廣東省、廣州府、番禺縣同南海縣官署嘅地方。

廣州（粵拼：gwong2 zau1，耶魯拼音：Gwóngjàu，漢語拼音：Guǎngzhōu，郵政式拼音：Kwangchow；傳統外文名：Canton；官方外文名：Guangzhou），簡稱穗（seoi6），又叫羊城（joeng4 sing4）、花城（faa1 sing4）同穗城（seoi6 sing4）。以前叫省城（saang2 seng4）[注 1]，可簡稱為省或城[注 2]，古時稱為番禺或南海。行政上叫廣州市（gwong2 zau1 si5），係中國第三大城市，華南地區第一大城市，廣東省省會。廣州係華南地區重要嘅政治、經濟、科技、教育同交通中心。又係中國嘅特大型城市、五大國家中心城市之一，15個副省級城市之一。

廣州喺東經 112°57至114°3，北緯 22°26至23°56間。地勢東北高、西南低，北部係森林丘陵區；中部係丘陵盆地，而南部就係沿海沖積平原。珠江連埋佢嘅支流橫穿成個廣州市。氣候屬亞熱帶季風氣候，全年平均氣溫 20 - 22 攝氏度，相對濕度 77%，市區年降雨量約莫 1,720 毫米。

廣州嘅四個方位之最當中，最東邊係從化呂田嘅桂峯山；最南邊係南沙區萬頃沙嘅二十一涌；最西邊係花都赤坭嘅珊瑚村；最北邊係從化呂田嘅蓮麻村。

廣州喺中國南方，廣東省嘅東南部，珠江三角洲北緣，西江、北江、東江三江匯合處，瀕臨南中國海，東連惠州市博羅、龍門兩縣，西鄰佛山市嘅三水、南海同順德區，北靠清遠市嘅市區同佛岡縣同韶關市嘅新豐縣，南接東莞市同中山市，隔海同香港、澳門特別行政區相望，地理位置優越，係「海上絲綢之路」起點（去東南亞同南亞），被稱為中國嘅「南大門」。